ਮਾਨਚੈਸਟਰ ਵਿੱਚ ਹੋਈ ਸਾਹਾ ਦੀ ਸਰਜਰੀ

ਲੰਡਨ – ਭਾਰਤੀ ਵਿਕਟਕੀਪਰ ਬੱਲੇਬਾਜ਼ ਰਿਧੀਮਾਨ ਸਾਹਾ ਦੀ ਮਾਨਚੈਸਟਰ ਵਿੱਚ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਦੀ ਨਿਗਰਾਨੀ ’ਚ ਮੈਡੀਲਕ ਸਟਾਫ਼ ਦੇ ਨਿਰੀਖਣ ਵਿੱਚ ਸਰਜਰੀ ਕਰਾਈ ਗਈ ਹੈ। ਭਾਰਤੀ ਟੈਸਟ ਟੀਮ ਦਾ ਨਿਯਮਤ ਵਿਕਟਕੀਪਰ ਸਾਹਾ ਆਈਪੀਐਲ ਦੌਰਾਨ ਮੋਡੇ ’ਤੇ ਸੱਟ ਲੁਆ ਬੈਠਾ ਸੀ। ਸਾਹਾ ਦੀ ਥਾਂ ਦਿਨੇਸ਼ ਕਾਰਤਿਕ ਨੂੰ ਇੰਗਲੈਂਡ ਖ਼ਿਲਾਫ਼ ਮੌਜੂਦਾ ਟੈਸਟ ਲੜੀ ਲਈ ਟੀਮ ’ਚ ਥਾਂ ਦਿੱਤੀ ਗਈ ਹੈ। ਉਂਜ ਟੈਸਟ ਟੀਮ ’ਚ ਸ਼ਾਮਲ ਰਿਸ਼ਭ ਪੰਤ ਵੀ ਵਿਕਟਾਂ ਪਿੱਛੇ ਕੀਪਿੰਗ ਕਰਨ ਦੇ ਸਮਰੱਥ ਹੈ। ਸਰਜਰੀ ਮਗਰੋਂ ਸਾਹਾ ਨੂੰ ਕਰੀਬ ਦੋ ਮਹੀਨਿਆਂ ਤਕ ਰਿਹੈਬਿਲੀਟੇਸ਼ਨ ਪ੍ਰੋਗਰਾਮ ’ਚੋਂ ਲੰਘਣਾ ਹੋਵੇਗਾ।